Kaupthing Singer and Friedlander depositors growing impatient

Posted 07/02/2009 - 04:35 by Hoping and coping

5
Your rating: None Average: 5 (1 vote)
2009-02-06 16

Kaupthing Singer and Friedlander depositors growing impatient
Published online at 04/02/2009 19:43:28

Ard-ayrniagh ayns colught-leigh Manninagh, t'eh gra dy nee boiragh lhiggey shaghey yn briwnys vees jerrey currit er banc Kaupthing ny dyn, as ta'n boirey çheet dy ve ny smessey. Ren banc Kaupthing failleil.

Y çhiaghtyn shoh chaie, son y trass cheayrt, va sarey dy chur jerrey er y vanc currit ry lhiattee ec eaishtaght, tra dooyrt fir-oik veih Tashtey Vannin dy jinnagh nyn Skeym-reaghee (Scheme of Arrangement) shickyraghey dy noghe lhiaghteyderyn argid erash ny s'tappee na Skeym-lhiasee ny Lhiaghteyderyn (Depositors' Compensation Scheme).

Eeckagh y reiltys, y kerroo-banceyraght as argid feddynit erash son y Skeym-reaghee. Agh Jonathan Smalley, ayrniagh sy cholught-leigh Stuart Smalley as Colught, t'eh cur faaue dy vel ny lhiaghteyderyn çheet dy ve meehurransagh.

Dinsh Mnr Smalley da Radio Vannin: 'Er lhiam dy row dailleyderyn feiy ny cruinney jeant booiagh ec aghtey breeoil y reiltys, agh er lhiam dy vel ad goaill toshiaght dy chaghlaa nyn aignaghyn nish, er yn oyr dy vel yn aghtey breeoil er jeet dy ve myr lhiggey shaghey dy firrinagh. Erskyn ooilley, she cooish vooar jerrey ny bleeaney argidoil as yn aght vees shen jannoo er Skeym-lhiasee ny Lhiaghteyderyn. Er lhiam dy bee sleih feer voirit my hemmayd shaghey yn daayt shen as bee yn ablid caillt dy hymsaghey argid veih ny bancyn sy vlein argidoil t'ayn nish.'

Lurg y lhiggey-shaghey s'jerree jeh'n eaishtaght dy chur jerrey er y vanc, ta un laa jeig as feed ec y Tashtey dy yannoo baghtal ny cooishyn va troggit sy whaiyl. My hed y Skeym-reaghee er coardail, yiow lhiaghteyderyn argid erash er yn eeckys çheusthie jeh tree mee.

Ec y traa cheddin, bee eh shirrit er olteynyn Tinvaaal ad dy choardail rish eeck jeih meeilley punt (£10,000) da gagh peiagh as coontys oc lesh Kaupthing Singer as Friedlander Ellan Vannin fo'n Skeym Eeckyssyn ah (Early Payments Scheme), va coardit hannah. Veagh daeed sy cheead (40%) jeh ny lhiaghteyderyn geddyn ooilley nyn argid erash myr shen